今日夜晚同左Yen、文哥去「打冷」~ 人少少、又唔係熱，傾左好多「密偈」，真係開心！哈哈，好想大聲唱：「人生有個真正朋友的確好勁！飲嬴！」跟住陪左Yen去買洗衣機，仲揀定左送乜比佢做入伙禮物添！越來越覺得呢班朋友對我來講真係好重要~

番到屋企，無聊執下個柜，發現一張過期未對既六合彩，係17/8/2006搞珠既~ 諗住咁岩開左部電腦，咪click入去Mark Six既homepage對下囉！點知中左3個半字呀！！！

我咁大個女第一次中六合彩咋！開心到我丫！哈哈，雖然只係中得$160蚊~ 我仲即刻打比文哥「報喜」添~ 有個朋友仔話：「咁小事已經咁開心，你都幾容易滿足喎！」係嘛?! 唉....... 我都唔知道呀......

決定了，以後會多d寫日記！我既日記唔會再淨係為一個讀者而寫了~