Name: `｡Ricky｡" Sex: Male Age: 21 Birth: 28 Sep                      Let me fill your heart       with joy and laughter...                   ^mY‧deaR^            Page : / 141 1995199619971998199920002001200220032004200520062007200820092010201120122013201420152016201720182019202020212022202320242025 / 123456789101112     8 / 13  Fri 1003 BNCO Trainin g Camp 8 / 8  Sun 西貢釣魚記 8 / 7  Sat 搞台證真煩! 8 / 5  Thu 台灣之旅成行! 8 / 4  Wed 末代會考放榜 8 / 1  Sun Toy Story 3

Title : 1003 BNCO Training Camp Date : 2010 / 8 / 13  Fri Memory : Friday , August 13, 2010 1003 BNCO Training Camp   10:00am 大隊海濱公園集合 Mission 1:  大埔城市定向，汗水和雨水交織的兩小時~ To be continued...     Reply this entry No. 846    03 / 09 / 2010 14:57:25 Title : 西貢釣魚記 Date : 2010 / 8 / 8  Sun Memory : Sunday , August 8, 2010 朝早接埋愛人就一齊返教會，唐牧師講道講到好激動，不過正因為咁無人會敢恰眼瞓~ 真是高招! lunch同班組員去食誰是老闆，之後就同愛人去西貢玩了~ 今日風和日麗，有點兒想出海玩! 走過西貢海傍來到海鮮坊，沿途特別覺得有風味~ 有機會約埋一大班人來這裏食海鮮感覺都不錯 來到碼頭附近愛人話想玩釣魚，我們去買左d用具去碼頭釣~ 結果是... 我們是來餵魚不是釣魚 用魚絲綁著個蝦餌，不用多久拿返上來已經被小魚吃光了~ 釣左好多次連條魚毛都釣唔到 見到隔離有個阿婆超勁，平均不用十分鐘就釣大魚~ 厲害!   不過釣魚最緊要享受過程 仲有...只要愛人開心就行了~ 嘻嘻 夜晚我們去左食"旺泰特食" ，那裏的海南雞飯真好吃!  食完飯就去滿記食糖水lu~ 榴槤芭菲~ 味道怪怪的，但食落又幾好味!   食飽飽我們就搭亡命小巴返旺角，真是好好刺激~ 不用十五分鐘已經出到旺角! 快到你呢~  送完愛人上車我就返屋企了，今日同愛人過得特別浪漫~ 嘻嘻 下次再來西貢一定要去鹽田灣啊~     Reply this entry No. 845    03 / 09 / 2010 12:24:37 Title : 搞台證真煩! Date : 2010 / 8 / 7  Sat Memory : Saturday , August 7, 2010 今日集隊全程玩聖經問答比賽，其實玩左咁多個禮拜都已經有點悶~ 今日順便安排埋隊員做的Drama角色 某隊員自薦做耶穌，我極之期待他精彩的演出!   哈哈~ 玩完問答比賽我們就玩Madam Wong的card game，其實玩到最後...我都係唔識點玩~ 不過見譚隊員收牌收得勁開心，我就幫他輸多幾隻牌返來~ 玩左幾舖就收野dismiss，祈禱個陣有Junior傾計，最後全班俾madam鍾罰企半個鐘!  唉~ 何必呢? Debriefing的時候看到Madam Wong的最新作品   胡迪和巴斯長大後的樣子~ OMG 今日收到旅行社電話，原來台證有快證搞~ Daddy個台證終於有著落，雖然手續有點麻煩，不過點都好~ 我們的台灣之旅總算去得成!  愛人仲話明日陪我返崇拜，太感動了~ Friday , August 6, 2010 今日上網幫屋企人搞台證，先發現原來大陸出生的人士搞台證要三個星期的時間~ 廿三號我們就要出發! Daddy個台證根本搞唔切~ 於是我們去旅行社問個究竟，他們都話沒辦法，我有點嬲話點解他們唔講清楚 他們話當時問過我們你咪香港出生的永久居民~ 又如何? 我駁番他們: 你們完全無同我交代過大陸出生人士搞台證要搞咁耐~ 不過現在追究都沒用，他們provide左兩個選擇俾我們   一係轉去其他東南亞的團，有特區護照可以免簽證 一係現在即刻搞台證，博佢可以出發當日發到個台證俾我們~ 明日中午前答覆他們... Daddy返到屋企發脾氣，問點解個台證要搞咁耐，係咪懷疑他是大陸間諜?  其實到現在我都唔明白 拿著特區護照已經有幾十個國家免簽證，偏偏去咁近的台灣到現在仲要搞台證咁麻煩!  台灣和中國的政治問題... 就累到我們今時今日仲要俾幾十蚊花時間排隊搞台證!  可惡也 難道真的去不成台灣?  我不甘心啊!!!      Reply this entry No. 844    03 / 09 / 2010 10:47:30 Title : 台灣之旅成行! Date : 2010 / 8 / 5  Thu Memory : Thursday , August 5, 2010 前日終於去左旅行社報名，花了一整個下晝去比較邊個團抵玩~ 最後決定去報新華旅遊，玩轉半個台灣都是$2699 我和細妹仲有學生優惠~ 雖然平得個一百蚊，好過無啦!   最後交埋保險費和訂金就成了! 8月23號至27號玩五日，這個時候暑假旺季去台灣，咁既價錢算係抵了~ 到時我去完上海南京一轉返來，第二日又飛了 令人期待的台灣之旅~ 當我返到屋企望一望個schedule，開始擔心自己係咪真是頂得住~ 13-15/8  BNCO Training Camp 16-22/8  上海南京交流團 23-27/8  台灣五天環島行 28/8     BB224 長洲outing 連續半個月維持Hyper狀態，我熬得住嗎?  幸好27號新九西個camp我不用入，不然我真是體力透支~ 要感謝陳sir幫我頂左個camp，辛苦晒!    各位好友，我不在香港期間大家不用掛念我了! 哈哈~     Reply this entry No. 843    03 / 09 / 2010 11:21:09 Title : 末代會考放榜 Date : 2010 / 8 / 4  Wed Memory : Wednesday , August 4, 2010 會考放榜，晨早八點鐘去到佛教大雄陪國城放榜~ 去到學校門口已經出現了條排隊人龍 真是佩服班家長大熱天時都幫子女排隊~   我們等到九點鐘終於收到成績，十三分! 但中文不合格~ 於是我們即刻飛的去黃克競報IVE，去到又排長龍~ 好彩有人潮分流，我們好快被安排上到課室 糟! 有記者影相~ 今年IVE改左遊戲規則，拿籌拿得前可以先揀科~ 先到先得，夠分就已經即刻收，我們個籌去到二千幾 等左個幾鐘頭見到大螢幕公佈各科收生情況，竟然全部應用科學的HD已經full晒~ 昨晚我們plan的策略完全無用 可以揀的只有應用科學基礎文憑~ 十三分竟然要讀基礎文憑，咩世界? 最後輪到我們報的時候連Applied Science基礎文憑都full埋，得番個旅遊分流 今年報IVE的人真是好瘋! 十三分要讀個無興趣的基礎文憑，實在不甘心~   食埋個lunch我們就去撲Pre-associate，中途收到阿傑和莫沛沛電話~ 我好像做左課程顧問俾意見他們  臨走前見到IVE搞候補的人龍長到咁，他們還希望IVE有位俾他們~  算吧啦，連IT這些冷門科都爆埋 排到你們仲可以有咩位剩?  早點回家等報毅進吧啦!  下午同國城去HKU Space報Pre-associate，負責人話他中文唔合格唔收他~ 之後再去報浸大 去到報名處人頭湧湧，由填表到interview，再等埋面試結果~ 足足等左3個鐘頭，搞到好像自己放榜咁 連我都緊張埋一份!  最後收到結果，連浸大都唔收... 大家都很失望~    十三分中文fail~ 難道最後真的要讀IVE?  呢個咩世界!  奔波了一整天，畢竟都盡晒力，已經無悔 很奇怪，明明不是自己放榜~ 但知道結果後不其然有一種失落感，哈哈~ 我代入了會考生的角色了 奔走了一整天，返到屋企已經累死~ 我始終深信，上帝早有預備! Tuesday , August 3, 2010 今日返五邑幫手暑期活動，帶著班細路在深水步搵街道名~ 成個朝早我們就在深水步曬著咁周圍走 去到午飯時間先返去西九龍食飯，好彩我們一早先苦後甜~ 食完飯先在西九龍做工作紙 有組細路見到商場出面咁曬，最後放棄搵街道名~ 真是浪費時間!   臨走前我帶左班細路玩足球機 就係咁一部足球機就玩左他們幾十蚊，實在感嘆而家的細路咁豪氣~ 阿爸阿媽搵錢辛苦你們知不知? 行到五點鐘就返五邑lu~ 夜晚約左班末代會考生一齊plan定放榜後路，國城話前幾日IVE開始網上取籌， 他已經第一時間上網~ 最後待了十分鐘先拿到，個籌號已經是二千幾... 差一分鐘原來可以相差成千個位 明日放榜，是人還是鬼，很快一清二楚! 之後去M記同黃sir和陳sir開會，傾下BNCO個camp點安排~ 今年我轉左做幕後，不然兩個旅行後再入camp我會死! 開會開到十一點幾就走了~ 明早陪國城去放榜，要養足精神準備奔波!     Reply this entry No. 842    01 / 09 / 2010 20:57:41 Title : Toy Story 3 Date : 2010 / 8 / 1  Sun Memory : Sunday , August 1, 2010 返完崇拜食埋個lunch就去地鐵站接愛人~ 返到教會同班組員玩UNO，一來就送個二百分底分俾我 乜咁多謝啊?   最慘就是有行動牌都出唔到，男人畢竟要就下女人，不過只限於愛人~ 哈哈 我們玩多舖Deal就出旺角朗豪坊看戲，終於買到票看Toy Story 3~ d票搶手到呢... 今集比前兩集好看得多，看到d感動位仲有點眼濕濕~ 胡迪和巴斯光年總算有個安樂窩啦! 看完Toy Story學左三眼仔一句對白:「嘩~ 個爪啊...」  開始愛上三眼仔了~ 其實不看3D版都沒問題，因為套戲本身已經是平面3D，純粹帶眼鏡過下3D癮~ 看完戲我們就各自各精彩~ 夜晚同愛人去居食屋食飯，我們仲玩緊副3D眼鏡... 刺身飯 + 夏威夷Pizza + 牛油燒牛柳粒~   好味道! 食飽飽我們行左陣街就回家了，沖完涼繼續搞去旅行和交流團的事~ 好好迎接我的盛夏八月!     Reply this entry No. 841    01 / 09 / 2010 10:59:26 Next Page    / 141